Trajneri i Ballkanit
Daja pas fitores ndaj Suharekës: Ditë festive për qytetin e Suharekës
Trajneri i Ballkanit, Ilir Daja, ka thënë se dita e mërkure ka qenë ditë feste për qytetin e Suharekës.
Ballkani fitoi ndaj Suharekës së Ligës së Parë me rezultatin 1:0, në ndeshjen e parë gjysmëfinale të Kupës së Kosovës.
“Ishte ditë festive për Suharekën. Ky ishte derbi i parë në këto nivele. Na vjen mirë për Suharekën. Sa i përket lojës, duhej shfrytëzuar rastet sepse janë disa lojë që shkojmë deri në fund dhe nuk i finalizojmë mundësitë. Ndeshjet me eliminim fitohen me episode. Në këtë aspekt ishim në ekuilibër, por në momentin që nuk shënon rritet edhe doza e stresit dhe lojtarët nuk mund ta shprehin qartë kapacitetin që posedojnë”, ka thënë Daja pas ndeshjes për “ArtMotion”.
