Coronavirusi afekton Ligën e Kampionëve, një tjetër ndeshje luhet pa tifozë
Liga e Kampionëve po afektohet me të madhe nga virusi Covid-19/Coronavirus.
Me vendimet e fundit të shtetit italian për bllokimin e shtetit dhe suspendimin e sporteve, rrezikohen ndeshjet mes Juventus – Lyon dhe Barcelona – Napoli.
Por, këtu nuk ndalet gjithçka. Së fundmi, masa kundër përhapjes së Coronavirusit ka filluar të marrë edhe Gjermania.
Christian Falk i ‘Sport Bild’ raporton se ndeshje e Bayern Munich kundër Chelsea pritet të luhet pa praninë e publikut, transmeton lajmi.net.
Bayern në fundjavë ka luajtur ndeshjen me publik, por duket se eskalimi i situatës po frikëson të gjithë.
Vendimi nuk është zyrtarizuar akoma, por deri më tani UEFA ka zyrtarizuar se PSG – Dortmund dhe Olympiacos – Wolves luhet pa publik.
