Clermonti transferon Rashanin
Sulmuesi i Kosovës, Elbasan Rashani, karrierën do ta vazhdojë në Francë. Ai i është bashkuar skuadrës nga Ligue 1, Clermont.
Prezantimin e Rashanit e ka bërë ekipi francez të premten.
28-vjeçari me Clermontin ka firmosur kontratë dyvjeçare. Rashani te Clermonti është transferuar si lojtarë pasi ka shkëputur kontratën me ekipin nga Turqia, Erzurumspor që sezonin e fundit nuk arriti të mbijetojë në elitë.
Clermonti sezonin e kaluar doli nënkampion i kategorisë së dytë franceze dhe u promovua në Superligë për sezonin 2021/22.
Rashani gjatë karrierës ka luajtur edhe për klubet si Odd, Brondby e Rosenborg. Ai prej vitit 2015 është pjesë e Kosovës dhe deri më tani ka shënuar katër gola në 18 paraqitje.
