1-2

City fiton me vështirësi ndaj Aston Villas

Manchester City ka shënuar fitore të madhe në udhëtim dhe i është afruar edhe më shumë titullit të kampionit në Premier League.

Të udhëhequrit e Pep Guardiolës të mërkurën në mbrëmje, e fituan si mysafir takimin e xhiros së 32-të në Premier League kundër Aston Villas, me rezultatin 2:1.

John McGinn i vendësve realizoi pas vetëm 20 sekondash lojë. Ishte ogli i dytë më i shpejtë i pranuar nga Manchester City në histori të Premier Leagues.

Sidoqoftë, përgjigja e vizitorëve ishte e shpejtë. Phil Foden në minutën e 22-të, dhe Rodri në minutën e 40-të të ndeshjes, me asistim të Bernardo Silvas, shënuan për avantazhin e “qytetarëve”.

Në minutën e 44-tërt, John Stones i Cityt u ndëshkua me karton të kuq.

Në pjesën e dytë, në minutën e 57-të u pa edhe një karton tjetër i kuq, tani për skuadrën e Aston Villas. Me kartonin e dytë të verdhë u ndëshkua Matty Cash.

City prin në tabelë me 77 pikë pas 33 ndeshjeve, kurse Aston Villa në 31 lojë të zhvilluara, ka 44 pikë.