City eliminon Real Madridin nga Liga e Kampionëve VIDEO
Manchester City e ka eliminuar Real Madridin për t’u kualifikuar në çerekfinale të Ligës së Kampionëve.
Real Madridi nuk ia ka dal të bëjë përmbysje, duke u mposhtur 2-1 edhe në sfidën e kthimit në Etihad Stadium, dy gola që vendasit i shënuan pas gabimeve të tmerrshme nga ana e Raphael Varane.
Kështu, Man City prek çerekfinalen duke e eliminuar Realin me rezultat të përgjithshëm 4-2.
Sonte, golat për Cityn i shënuan Sterling dhe Jesus, derisa golin e nderit për Realin, të fundit për sezonin 2019/20 e shënoi Karim Benzema.
Kështu, për herë të parë në karrierë, Zidane eliminohet me Realin nga Liga e Kampionëve.
Manchester City në çerekfinale në Lisbonë do të ketë punë me Lyonin.
