Cili kandidat e shkeli heshtjen zgjedhore gjatë fjalimit? Flet KPM-ja!
Kandidat i PDK-së për kryeministër, Enver Hoxhaj, pasi votoi në Fakultetin e Filologjisë në Prishtinë, pati një prononcim për media, gjatë së cilit është cilësuar se shkeli rregullin e heshtjes zgjedhore.
Ai përmendi elemente që i shfrytëzonte edhe gjatë fushatës së tij elektorale.
Këtë e konfirmoi edhe Luan Latifi nga Komisioni i Pavarur për Media, i cili tha se çështja e heshtjes zgjedhore ka të bëjë me evitimin e publikimit të elementeve që janë përdorur në fushatë zgjedhore, siç janë slloganët e motot identifikuese.
“Këto nuk lejohen. Të bëhet fushatë elektorale në kohë të heshtjes zgjedhore mendoj se nuk i bën nder as partisë politike dhe as procesit zgjedhor”, u shpreh Latifi.
