Chelsea ka fituar me rezultat 4-1 kundër Sheffield United në Stamford Bridge. Chelsea në fillim të ndeshjes ishte në disavantazh, por mandej ata u kthyen duke shënuar katër gola, në mesin e këtyre katër golave shënuan tri blerjet e verës së Chelsea, Werner, Chilwell dhe Thiago Silva

Chelsea e ka mposhtur pa problem skuadrën e Sheffield United.

Ky takim nisi shumë keq për vendasit pasi që ata u gjendën në disavatazh që në minutën e 9, ku McGoldrick shënoi një gol të bukur me thembër.

Chelsea do të kthehej në lojë në minutën e 23-të ku pas krosimit të Kovacic në zonë gol shënon Tammy Abraham.

Në minutën e 34-të në skenë do të dalin dy blerjet e reja të Chelsea. Hakim Ziyech do të krosonte në zonë për Ben Chilwell dhe ky i fundit do ta shënonte gol në portën e Sheffield.

Dy golat tjerë të sigurisë erdhën në minutën e 77-të ku do të shënonte Thiago Silva. Tre minuta pas tij do të shënonte edhe Timo Werner, që po vazhdon formën e tij të mirë me Blutë e Londrës.

Pas xhiros së 8, Chelsea është në vendin e tretë më 15 pikë, një pikë më pak se Southampton dhe Liverpool që mbajnë vendin e parë përkatësisht të dytë në Premier Ligë.