Philippe Coutinho ishte transferuar në Barcelonë si yll i madh nga Liverpooli.
Futbollisti brazilian ka zhgënjyer me paraqitjet e tij në Barcelonë.
Prandaj, largimi i ish futbollistit të Espanyolit, Interit e Liverpoolit nga kampioni i Spanjës gjatë kësaj vere duket i pashmangshëm.
Interesim për përfaqësuesin brazilian ka shfaqur Chelsea, i cili dëshiron ta zëvendësojë me të yllin Eden Hazard, që pritet t’i bashkohet Real Madridit.
Sipas mediave spanjolle, Coutinho dëshiron të mbetet në Camp Nou përkundër sezonit zhgënjyes që e pati.
Mirëpo, disa anëtarë të bordit të klubit Blaugrana janë të vendosur ta shesin atë gjatë verës.







