Mëngjesin e sotëm kryeministri Edi Rama ka mbledhur në selinë e partisë kryesinë.
Mësohet se tema diskutimi kanë qenë dekreti i ministrave të rinj dhe mbledhja e parlamentit.
Ndërsa diskutohet edhe për zgjedhjet lokale të qershorit.
Teksa sot është afati i fundit i presidentit Meta për të dekretuar apo jo Gent Cakaj në krye të ministrisë për Evropës dhe Punën e Jashtme, nga mbledhja e PS-së del një tjetër propozim.
Mësohet se kryeministri Rama mund të marrë vetë këtë post deri në zgjidhjen e ngërçit.
Ndërsa edhe në këtë rast emri i Edi Ramës si ministër duhet të dërgohet për dekret tek Presidenti.
Vetëm pak ditë më parë edhe në Greqi, kryeministri Cipras mori rolin e ministrit të Jashtëm, pas dorëheqjes së kryediplomatit Nikos Kotzias.







