Britania e Madhe tani regjistron më shumë vdekje shkaku i gripit dhe pneumonisë se sa me COVID-19
Dita më e keqe në Mbretërinë e Bashkuar sa i përket numrit të vdekjeve shkaku i koronavirusit ishte më 8 prill, kur 1,445 njerëz u raportuan se vdiqën nga Covid-19 në vetëm 24 orë.
Gati tre herë më shumë njerëz në Angli dhe Uells po vdesin nga gripi dhe pneumonia në javët e fundit sesa me coronavirus.
Shifrat tregojnë se 917 persona kanë ndërruar jetë nga gripi dhe pneumonia më 10 korrik, shkruan Mirror.
Gjatë kësaj periudhe, 366 njerëz vdiqën pasi u testuan pozitivisht me Covid-19 dhe përbëjnë 4.2 për qind të të gjitha vdekjeve në Angli dhe Uells.
Studimi tregon se numri i vdekjeve të regjistruara në të njëjtën javë ishin 6.1 për qind (560 vdekje) nën mesataren e pesë viteve.
Numri i vdekjeve totale deri më 10 korrik të vitit 2020 ishte 353.407, që është 53.419 më shumë se mesatarja pesëvjeçare.
Numri i vdekjeve shkaku i coronavirusit në Mbretërinë e Bashkuar është rrit gjatë ditës së sotme me 79 raste, përkatësisht në total janë 45.501 njerëz të vdekur.
