Drejtori i Qendrës së Studentëve, Fatmir Sfishta ka thënë se 40 personat që po mbahen në karantinë në Konviktin nr.8 po trajtohen në kushte të mira.
Sfishta në RTV Dukagjini thotë se Konvikti nr.8 ka kushte shumë të mira dhe të gjitha njoftimet tjera janë lajme që nuk përkojnë me të vërtetën.
Ai ka thënë se ata po ushqehen nga stafi i mensës së studentëve dhe sipas tij të njëjtit edhe po e shpërndajnë ushqimin pavarësisht se nuk janë në specializuar për këtë punë.
Drejtori i Qendrës së Studentëve tregon se ata që janë familjarë mund të vendosen dy persona në një dhomë, ndërsa të tjerët janë të vendosur një person për dhomë.
















