Manchester United nuk është përfshirë nga Bernardo Silva si kundërshtar në Premier League kur numëroi skuadrat që mund t’i rrezikojnë Cityt titullin.

Kampionët në fuqi u rikthyen të jenë lider teksa mposhtën Tottenahmin në “Wembley” të hënën në mbrëmje. Liverpooli ka të njejtën kuotë pikësh me “Citizens” 26, gjersa më pas rradhiten Chelsea, Arsenali e Tottenhami.

Manchester United kanë pasur një start të vështirë të sezonit duke u pozicionuar në vendin e 8-të me 9 pikë më pak se rivalët e qytetit.

Sulmuesi i Cityt, Bernardo Silva nuk i ka përmendur fare “Djajtë e Kuq” në listën e tij prej skuadrave kandidate për titull këtë sezon në elitën e futbollit anglez.

“Mendoj se Liverpooli dhe Chelsea janë kandidatë për shkak se janë shumë të fortë. Poashtu edhe Arsenali dhe Tottenhami, edhe pse këta të fundit i mposhtëm prapë mbeten rival. Kam përshtypjen se këtë sezon do të jetë më e vështirë për ne sepse edicionin e kaluar askush nuk priste nga ne të grumbullojmë 100 pikë e të shënojmë aq shumë gola, kështu që skuadrat tjera janë të vetëdijshme se duhet të jenë më të mirë për të na mposhtur”, u shpreh portugezi.

Silva zbuloi se synim i Manchester Cityt mbetet sërish triumfi në Premier League ndërsa përmendi edhe foksusin që duhet ta kenë për t’u përmirësuar secilën ditë.