Kalojnë ditët, ankthi rritet. Bayern Munich në sulm nuk po gjen dot përforcimet e duhura.

E vetmja blerje në fakt është Jann-Fiete Arp, sulmues 19-vjeçar i paguar 3 milionë euro, që vështirë se mund të mjaftojë për të zëvendësuar Franck Ribery, Arjen Robben dhe James Rodriguez që lanë Bavarinë në fillim të merkatos.

Sikur të mos mjaftonte, Kingsley Coman u dëmtua gjatë ndeshjes së Audi Cup, të humbur ndaj Tottenham, një goditje në gju jo dhe aq e rëndë por që e vë në dyshim për Superkupën e Gjermanisë që luhet të shtunën në Dortmund. Në organikën e Bayernit për momentin i vetmi lojtar krahu në dispozicion të Kovac për momentin është Serge Gnabry.

Duhen përforcime, por sa më shumë kalojnë ditët aq më tepër rriten shqetësimet. Ëndrra mbetet Leroy Sane, por për ta marrë duhen shumë para, rreth 90 milionë euro. Për këtë arsye Joshua Kimich që në javët e kaluara kishte sponsorizuar blerjen e shokut të tij në kombëtare duke i kërkuar Bayernit një sforco ekonomike për ta marrë e pranon se nuk është fare i qetë.

Tratativa për Sane vazhdon me hapa të ngadaltë prej më shumë se një muaji dhe vonesa e Bayernit në merkato tanimë është një fakt, kur mbeten edhe pak ditë nga Superkupa, Robben, Ribery dhe James Rodriguez ende nuk janë zëvendësuar.