Ballkani i jashtëzakonshëm, fiton në transfertën e vështirë në Drenicë
Xhiroja e 14-të në Superligën e Kosovës është mbyllur me ndeshjen interesante që u zhvillua në Skenderaj.
Drenica priti liderin, Ballkanin.
Të besuarit e Ismet Munishit vazhduan me formën e mirë në Superligë duke rrëmbyer edhe në këtë ndeshje pikët e plota.
Ballkani arriti ta mposhtë 2-1 Drenicën.
Golat për Ballkanin i shënuan Ermal Krasniqi në minutën e tretë dhe Mirlind Daku në minutën e 29-të.
Derisa për Drenicën në fund të ndeshjes shënoi Azem Bejta.
Pas kësaj fitore, Ballkani ka shkuar në kuotën e 32 pikëve, derisa Drenica mbetet në pozitën e pestë me 18 pikë të grumbulluara.
