Ballkani favorit në ndeshjen e parë kundër Klaksvik, sipas kompanisë së basteve
Ballkani sonte do ta zhvillojë ndeshjen e parë të rrethit të tretë kualifikues në Ligën e Konferencës kundër KI Klaksvik.
Stadiumi “Fadil Vokrri” është arena e parë e përballjes ndërmjet kampionit të Kosovës dhe ekipit nga Ishujt Faroe me fillim nga ora 20:00.
Për Ballkanin kjo është një nga sfidat më të rëndësishme në histori të klubit, duke marrë parasysh se janë vetëm një rreth larg “Play-Off”-it të Ligës së Konferencës.
“Portokallezinjtë” janë favorit për ta fituar ndeshjen e parë kundër ekipit ishullor, sipas kompanisë së madhe të basteve sportive “bet365.com”.
Kuota për triumfin e Ballkanit është 1.95, barazimi 3.40, ndërsa për fitoren e mysafirëve kuota llogaritet 3.40.
Ballafaqimi mes Ballkanit dhe Klaksvikut transmetohet direkt në RTK.
Për të ardhur deri në këtë rund, Ballkani eliminoi bindshëm La Floritën e San Marinos, kurse Klasviku mposhti Sutjeskën e Malit të Zi.
Në rast të kualifikimit tutje, në fazën “play-off”, Ballkani do të ndeshej me humbësin e ndeshjes Shkupi – Shamrock Rovers.
