Bruksel
Bajrami thotë se vizita e kryediplomates belge theksoi marrëdhëniet e mira Kosovë-Belgjikë
Ambasadori i Kosovës në Bruksel, Agron Bajrami, përmes një shkrimi në “X” ka thënë se vizita e Ministres së Punëve të Jashtme të Mbretërisë së Belgjikës, Hadja Lahbib ka theksuar marrëdhëniet e mira Kosovë-Belgjikë.
Ai u shpreh se kjo është veçanërisht e rëndësishme pasi siç u shpreh ai, më 1 janar Belgjika po merr Presidencën e Këshillit të BE-së dhe sipas Bajramit, Kosova ka synime ambicioze për vitin 2024.
“Marrëdhëniet shumë të mira dhe të thelluara Kosovë-Belgjikë u shfaqën premten, gjatë vizitës së Hadja Lahbib në Prishtinë. Kjo është veçanërisht e rëndësishme pasi më 1 janar Belgjika po merr Presidencën e Këshillit të BE-së dhe Kosova ka synime ambicioze për vitin 2024”, shkroi ai.
