Nedim Bajrami e ka shënuar një gol dhe ka kontribuar me një asistim në fitoren me përmbysje të Empolit përballë Udineses me rezultatin 3:1.

Bajrami shënoi golin e dytë të Empolit në minutën e 59-të, ndërsa asistoi në golin e tretë të realizuar në minutën e 78-të. Kjo ndeshje i ka takuar xhiros së 16-të të Serie A të Italisë. Bajrami luajti deri në minutën e 82-të, kurse në stol ishin mbrojtësi Ardian Ismajli dhe portieri Samir Ujkani. Empoli në 16 ndeshje ka fituar 23 pikë, kurse Udinese mbetet me 16 pikë.