Shkodran Mustafi është ndëshkuar dy herë me karton të verdhë për simulim. Asnjë lojtar tjetër në Premierligë nuk është ndëshkuar më shumë për simulime sesa qendërmbrojtësi i Arsenalit.

Para dy vjetëve, Federata e Futbollit të Anglisë i ndryshoi rregullat për ndëshkimin e lojtarëve që kapen duke simuluar. Secili lojtar që ndëshkohet gjatë ndeshjes për simulim ndëshkohet me pezullim për dy ndeshje.

Megjithatë, kjo nuk e ka ndalur këtë fenomen në Premierligë. Një lojtar që është kritikuar veçanërisht për simulime këtë sezon ka qenë ylli egjiptian i Liverpoolit, Mohamed Salah, i cili megjithatë nuk është ndëshkuar asnjëherë për simulim.

Në fakt, asnjë lojtar i Liverpoolit nuk është ndëshkuar për simulim që nga fillimi i këtij sezoni, në gusht. Simuluesit më të mëdhenj të këtij sezoni kanë qenë lojtarët e Arsenalit. Djemtë e Unai Emeryt janë ndëshkuar gjashtë herë për simulim, dy herë më shumë sesa skuadra e dytë në këtë listë, Tottenhami.

E përditshmja angleze, The Sun, e ka publikuar listën me skuadrat që janë ndëshkuar më së shumti këtë sezon:

Arsenal – 6
Tottenham – 4
Huddersfield – 2
Southampton – 2
Burnley – 1
Chelsea – 1
Crystal Palace – 1
Everton – 1
Fulham – 1
Leicester – 1
Manchester City – 1
West Ham – 1
Wolves – 1
Liverpool – 0
Manchester United – 0

The Sun i ka emëruar edhe emrat e lojtarëve në këtë listë. Vetëm Shkodran Mustafi i Arsenalit dhe Pierre-Emile Hojbjerg i Southamptonit janë ndëshkuar nga dy herë për simulim. Në listën e plotë përfshihet edhe Granit Xhaka.

Lista e plotë e lojtarëve që janë ndëshkuar për simulim:

Aboubakar Kamara
Alexandre Lacazette
Ashley Barnes
Chris Löwe
Danny Rose
Diogo Jota
Granit Xhaka
Harry Kane
Heung-Min Son
Idrissa Gueye
Ilkay Gündogan
James Maddison
James McArthur
Javier Hernandez
Joshua King
Laurent Depoitre
Lucas Moura
Matteo Guendouzi
Pierre-Emile Hojbjerg
Shkodran Mustafi
Sokratis Papastathopoulos
Willian