Arsenali ofron para plus Xhakën për mesfushorin e Leicesterit

Trajneri i ri i Arsenalit, Mikel Arteta kërkon përforcime të menjëhershme në janar ndërsa ka gati edhe listën e largimeve ku mes emrave është Granit Xhaka.

Mesfushori shqiptar ka oferta të shumta në Europë por klubi mësohet se dëshiron ta përdorë për të arritur te një emër tjetër.

Wilfred Ndidi i Leicester ka impresionuar topçinjtë të cilët do të bëjnë në janar një ofertë të rëndësishme prej 40 milionë paund dhe kartonin e Granit Xhakës për të bindur Leicester që ta lërë të lirë.