Arsenali në krizë të thellë, humb në shtëpi nga Brightoni
Arsenali assesi të këndellet, as me Freddie Ljungbergun e ardhur në krye.
Ekipi nga Londra ka humbur në shtëpi nga Brightoni, në ndeshjen e vlefshme për javën e 15 të Premierligës angleze, me rezultat 1 me 2.
Të parët në epërsi kaluan mysafirët, përmes Adam Webster që u gjet në vendin dhe në kohën e duhur para portës së Lenos. Minuta 36 e takimit, dhe 1 me 0 për mysafirët.
Me këtë rezultat skuadrat shkuan në pushim të mes pjesëve.
Arsenali u kthye në lojë me golin e Alexandre Lacazette, që shënoi me kokë pas një krosimi fantastik nga korneri nga Ozil, në minutën e 50 të ndeshjes.
Brightoni e riktheu epërsinë në minutën e ’80 të takimit Maupay shfrytëzoi më së miri një krosim nga Mooy.
Në këtë ndeshje luajti gjatë gjithë kohës Granit Xhaka, por nuk u paraqit fare në fushë Shkodran Mustafi.
Kjo është ndeshja e dytë e Ljumbergut në krye të Arsenalit.
Me këtë humbje Arsenali mbetet në vendin e dhjetë në tabelë me 19 pikë, ndërsa Brightoni në të 130in me vetëm një më pak.
