Policia e Kosovës përmes një komunikate për media ka njoftuar se është arrestuar B.E., 41 vjeçar në Obiliq, i cili dyshohet për dhunë në familje dhe armëmbajtje pa leje.
Në njoftim thuhet se arrestimi i tij është kryer mbrëmë, dhe tek i njëjti janë gjetur dhe sekuestruar dy armë zjarri.
“Ndaj personit të dyshuar B.E, mashkull 41 vjeç, në konsultim me prokurorin e shtetit, është iniciuar rast për veprat dhunë në familje dhe mbajtje në pronësi, kontroll ose posedim të pa autorizuar të armëve”, thuhet në njoftim.
I dyshuari, me vendim të prokurorit është dërguar në mbajtje.







