Talenti turk

Arda Guler rikthehet në stërvitje me Real Madridin

“Fantazisti” 18-vjeçar i mesfushës, Arda Guler u transferua me shumë bujë, në muajin korrik, nga “gjigandët” turq të Fenerbahce, drejt “galaktikëve” të Real Madrid, mirëpo për shkak të një dëmtimi në ijë, talenti turk ende nuk e ka zhvilluar ndeshjen e tij të parë me fanellën e “los blancos”.

Mirëpo, pritjes duket se po i vjen fundi, me Guler që ka rifilluar stërvitjen individuale dhe pritet që shumë shpejt t’i bashkohet teknikut Ancelotti, për t’u stërvitur me ekipin e plotë të “galaktikëve”, të cilët po bëhen gati për një sërë ndeshjesh spektakolare, siç është dhe ajo ndaj “katalanasve” të Barcelona, më 28 tetor.

Ndërkaq, kujtojmë se i transferuari për shifrën e 30 milionë eurove, fillimisht dëmtoi meniskun dhe iu nënshtrua një operacioni, ndëra tani, siç theksuam dhe më lart po rikuperohet pas një dëmtimi në ije.