Apeli i UEFA-s e konfirmon: Osasuna përjashtohet nga Conferenca League!
Osasuna nuk do të luajë në edicionin e ardhshëm të Conference League. As Komiteti i Apelit i UEFA-s nuk e shpëtoi klubin spanjoll nga një vendim i marrë më 23 qershor, për shkak të disa krimeve të kryera dhjetë vjet më parë.
“Komiteti i Apelit i UEFA-s vendosi sot të përjashtojë klubin Atlético Osasuna nga Conference League 2023/2024, duke përsëritur mendimin fillestar të inspektorëve nga Komiteti i Kontrollit, Etikës dhe Disiplinës së UEFA-s.
“Klubi Atlético Osasuna nuk pajtohet plotësisht me kriteret e UEFA-s, apo hetimin e kryer dhe i vjen keq për mesazhin e gabuar që UEFA po i dërgon botës së futbollit, duke ndëshkuar ata që ekspozojnë korrupsionin.
Ne do të vazhdojmë të përdorim të gjitha mjetet ligjore që kemi në dispozicion për të kundërshtuar UEFA-n dhe për t’i dhënë fund asaj që ne e konsiderojmë shkelje të rëndë të të drejtave tona”,- thuhet në deklaratën e Osasunas postuar në faqen e internetit.
Deklarata e klubit ‘të kuq’ përfundon kështu: “Klubi Atlético Osasuna do të vazhdojë të vendosë të gjitha instrumentet ligjore që ka në dispozicion për t’i bërë ballë UEFA-s dhe për t’i dhënë fund asaj që ajo e konsideron shkelje të rëndë të të drejtave të saj”.
Më pas, llogaria zyrtare e Osasunas postoi një foto të një djali të veshur me fanellën e Osasunas dhe mesazhin ‘Respekt’ në mëngë me stemën e UEFA-s.
