Anëtari i KQZ-së Sami Kurteshi sulmon fizikisht një zyrtar të KQZ-së!

Përfaqësuesi i Lëvizjes Vetëvendosje në Komisionin Qendror të Zgjedhjeve, Sami Kurteshi, dyshohet se ka sulmuar fizikisht një nëpunës civil të KQZ-së.

Indeksonline mëson se sulmi i Kurteshit ndaj zyrtarit të KQZ-së, me iniciale A.B., ndodhi në korridorin e objektit rreth orës 10, 10:30.

Arsyeja, sipas burime tona, del të jetë mos-vendosja e maskës anti-Covid.

“Sami Kurteshi ishte duke ecur në korridor të institucionit. Derisa zyrtari i sulmuar ishte pa maskë. Samiu i kërkoi me tonë të lartë që ta vendos maskën, dhe pastaj edhe e sulmoi”, thotë njëri nga dëshmitarët e rastit që ishte prezent.

Sipas këtij të fundit, A.B. nuk kishte asnjë reagim

I njëjti nuk ka kundërshtuar dhe nuk ka kthyer asgjë. Ky rast nuk është i lajmëruar në polici.