Ambasadori, Lirim Greiçevci përfundon mandatin në Holandë, takohet me mbretin Willem-Alexander për t’i thënë lamturmirë
Ambasadori kosovar, Lirim Greiçevci do të përfundoj mandatin e tij në Holandë në muajin gusht.
Ai u takua me mbretin Willem-Alexander në pallatin Huis ten Bosch, për t’i dhënë lamtumirën.
Greiçevci në postimin e tij pas takimit falënderoi autoritetet holandeze për mikpritjen, komunitetin diplomatik në Hagë për bashkëpunimin dhe komunitetin kosovar për mbështetjen.
Postimi i plotë i Lirim Greiçevci:
Kisha nderin t’i them lamtumirë Mbretit Willem-Alexander, në Pallatin Huis ten Bosch, pasi mandati im si ambasador i Kosovës në Holandë përfundon në gusht.Ka qenë nder për mua të shërbej në këtë detyrë. Dëshiroj t’i falënderoj të gjithë për mbështetjen dhe miqësinë e tyre. Në veçanti, u jam mirënjohës autoriteteve holandeze për mikpritjen dhe kujdesin e treguar për mua dhe familjen time, në këtë vend të bukur.Falënderimet e mia i detyrohen gjithashtu komunitetit diplomatik në Hagë për miqësinë dhe bashkëpunimin e tyre.Falënderime të veçanta për komunitetin kosovar në Holandë për përkushtimin dhe mbështetjen e tyre.Unë u jam veçanërisht mirënjohës kolegëve të mi në Ambasadën e Kosovës në Hagë, të cilët kanë treguar përkushtim dhe shërbim të palëkundur ndaj Kosovës, në një mision veçanërisht sfidues në Hagë.E fundit, por jo më pak e rëndësishme, faleminderit atyre liderëve të Kosovës që ma kanë besuar detyrën prestigjioze të përfaqësimit dhe mbrojtjes së interesave të vendit tim në Holandë.
