VV-PSD

Albulena Haxhiu thotë se deklaratat e Dardan Molliqajt janë sulm ndaj qytetarëve

Deputetja e Lëvizjes Vetëvendosje, Albulena Haxhiu ka thënë se deputetët e Partisë Socialdemokrate e kanë humbur toruan, teksa ka kritikuar deklarimet e deputetit Dardan Molliqaj, i cili e ka quajtur “koncert” protestën e organizuar nga Lëvizja Vetëvendosje para rreth tri javësh.

Haxhiu ka thënë se deklarimet e Dardan Molliqajt janë sulm ndaj qytetarëve të Kosovës, të cilët dolën në numër të madh në protestën kundër shkëmbimit të territoreve mes Kosovës dhe Serbisë.

“PSD e ka humbur toruan. Gjithë ky mllef kundër VV-së nuk po e di nga po rrjedh. Deklaratat e Molliqajt për protestën janë sulm ndaj qytetarëve të Kosovës”, ka deklaruar Haxhiu në emisionin DPT Me Fidanin në Televizionin 7.

Molliqaj, në disa deklarime e kishte quajtur “koncerte” protestat e organizuara nga Lëvizja Vetëvendosje.