Akuzohet se mori 2 milionë dollarë për njohjen e Kosovës, parlamenti i Maldiveve ngre mocion për ish-ministrin e jashtëm

Një mocion është ngritur në Parlamentin e Maldiveve duke kërkuar që të hetohen pretendimet se korrupsioni ishte i përfshirë në Maldive, në rastin e njohjes së pavarësisë së Kosovës.

Sipas mediave vendase, mocioni u paraqit në seancën e të së hënës së parlamentit nga deputeti i Nolhivaram, Mohamed Nasheed Abdulla.

Po sipas mediumit në fjalë, ish-ministri i Jashtëm, Ahmed Shaheed dyshohet se ka pranuar një ryshfet prej 2 milionë dollarësh për ta njohur Kosovën.

Megjithatë, siç thuhet tutje, ndërsa ish-ministri u hetua pas akuzave, policia arriti në përfundimin se nuk kishte prova të korrupsionit dhe se procesi diplomatik ishte zhvilluar në përputhje me standardet ndërkombëtare.

Mocioni ka thënë më tej se ndërsa Kombet e Bashkuara, Bashkimi Evropian dhe administrata e NATO-s janë të vendosura në rajonin e Kosovës, dhe pasi diskutimet për këtë çështje janë në një bllokim në Kombet e Bashkuara, pohime që lidhin njohjen e Kosovës nga Maldivet ndaj ministrit të atëhershëm, për pranim të ryshfetit është një çështje shqetësuese.

Mediumi në fjalë thekson se mocioni thekson se ndërsa ministri i Jashtëm, Dr. Ahmed Shaheed, dyshohet se kishte pranuar ryshfet për të njohur pavarësinë e Kosovës, pretendimet nxitën që presidenti i atëhershëm Mohamed Nasheed të thërriste për një hetim policor më 5 mars 2009.

“Sidoqoftë, fakti që një hetim i plotë nuk është kryer dhe se asnjë veprim i njohur nuk është ndërmarrë pasi hetimi duhet të vihet në vëmendje të parlamentit dhe qytetarëve të vendit”, citohet të jetë shtuar në mocion.

Në këtë kontekst, përfundon mediumi vendas, mocioni u thirr për të rishikuar njohjen e pavarësisë së Kosovës nga Maldivet dhe u thirr për të siguruar që vendimi ishte marrë nga qeveria në përputhje me standardet ndërkombëtare. 

loading...