Pesë persona kanë mbetur të lënduar si pasojë e një aksidenti mes tre veturave ka ndodhur sot në rrugën Prishtinë-Podujevë.
Lajmin e ka konfirmuar zëdhënëse në Policinë e Kosovës për rajonin e Prishtinës, Flora Ahmeti.
“Sot rreth orës 11:00, kemi pranuar informatën për një aksident trafiku rrugor të ndodhur në rrugën Prishtinë -Podujevë. Në aksident janë përfshirë tri automjete, ku pesë persona kanë pësuar lëndime trupore“, tha ajo.
Ahmeti tha më tej se njësia rajonale e trafikut po merret me rastin.








