Presidenti i Federatës së Futbollit të Kosovës, Agim Ademi ka shkruar disa fjalë në librin e zisë për Mbretëreshën Elizabeth që vdiq ditë më parë.

Ademi ka ndarë disa fotografi në llogarinë e tij në Facebook gjatë shkrimit të tij në librin e zisë në Ambasadën britanike në Kosovë, shkruan Demokracia.com.

“70 vjet në fron, Mbretëresha Elizabeth II ishte shembulli më i mirë i një lidereje të jashtëzakonshme”.

“Përveç progresit dhe zhvillimit të vendit, Shkëlqesia e saj dha kontribut të madh edhe për paqe dhe humanizëm ndërmjet njerëzve pa dallim etnie, race e feje”, shkroi Ademi në Facebook.