Zv/kryeministri

Abazi flet pas shkarkimeve: Njerëzit e adekuat do t’i vëmë në pozitat e duhura

Zëvendëskryeministri i Republikës së Kosovës, Haki Abazi, ka treguar në emisionin Pressing në T7 se si do të zëvendësohen të gjithë të shkarkuarit në ditët e fundit me vendit e qeverisë.

Abazi ka thënë se askush nuk duhet të shqetësohet se këta do të zëvendësohen me militantë.

“Njerëzit adekuatë do t’i vëmë në pozitat e duhura”, ka thënë ai.

“Përkushtimi i qeverisë dhe i kryeministrit është që të respektohen ligjet, dhe të kërkohen njerëzit adekuat për të kryer punët me përgjegjësi”, shton ai.

Ministri i Punëve të Jashtme, Glauk Konjufca ka shkarkuar disa konsuj dhe shërbyes në trupën diplomatike të Kosovës. Ky ishte vendimi tjetër për shkarkime nga qeveria pas atij për shkarkimin e Bordit të Telekomit dhe koordinatorëve nacionalë.