“A je i bukur si intereson askujt, lej fotot – puno”, Bajqinovci nervozohet dhe ia kthen komentuesit
Deputetit të LVV-së, Mefail Bajqinovcit nuk i ka pëlqyer një koment i një qytetarit që i ka shkruar në faqen e tij zyrtare në Facebook.
Bajqinovcit i ka shkruar një qytetar duke i thënë se kosovarëve nuk iu intereson a është i bukur e del në foto, por shton që ai duhet të merret me problemet e qytetarëve.
Tutje, ky qytetar ka kërkuar nga Bajqinovci më shumë punë e që t’i lejë fotot, duke thënë se për këtë arsye e ka votuar.
Bajqinovci ia ka kthyer këtu komentuesit, duke i thënë se ai është tërë kohën duke punuar në Kuvend dhe jashtë tij.
Qytetari që i ka shkruar deputetit të LVV-së duke folur për çështjen e call center ka vazhduar edhe më tutje duke thënë se e ka zhgënjyer deputeti shumë, ani pse të njëjtin e kishte respektuar gjatë kohës sa ishte gazetar.
Këto komente qytetari i ka bërë në postimin ku Bajqinovci shkruante për Betejën e Koshares teksa kishte postuar në Facebook edhe disa fotografi të tij nga terreni.
