Neymar, synimi kryesor i skuadrës spanjolle
Neymar do të jetë objektivi kryesor i Barcelonës për afatin kalimtar të verës.
Barcelona po kalon situatën më të rëndë në vitet e fundit, diçka që u vërtetua edhe në ‘El Clasico’ kundër Real Madrid, ku përveç humbjes 2:0, zhvilluan edhe një ndeshje të dobët.
Drejtuesit e Barcelonës, tashmë janë në dijeni se kanë nevojë të sjellin emra të mëdhenj në skuadër për të kaluar këtë situatë, dhe rikthimi i Neymar, është një opsion.
Gazeta spanjolle ‘Sport.es’, shkruan se braziliani do të jetë objektivi kryesor i Barcelonës, përcjell lajmi.net.
Neymar në të kaluarën ka qenë pjesë e Barcelonës, ku me Lionel Messin dhe Luis Suarezin, kanë krijuar treshen më të frikshme në Evropë.
Ylli brazilian nuk është lojtari i vetëm që po kërkohet nga Barcelona, të cilët janë vënë në kërkim edhe të sulmuesit të Interit, Lautaro Martinez.
