13 vjet nga momenti kur Zidane e goditi me kokë në gjoks Materazzin, ja cila ishte arsyeja (VIDEO)
Në këtë ditë para 13 vjetëve ndodhi mbase momenti më i çmendur në histori të një finaleje në Kupën e Botës, Zinedine Zidane e goditi me kokë në gjoks Marco Materazzin.
Por si nisi e gjitha në finalen e madhe Francë – Itali?
Materazzi ishte tradhtar dhe hero në finale të Kupës së Botës më 2006, duke e shkaktuar një penallti nga e cila shënoi Zidane, para se të shënonte vetë për ta barazuar rezultatin.
Qendërmbrojtësi pastaj u bë shkaktar i largimit të Zidanit nga loja me karton të kuq, para se të ekzekutoheshin penalltitë.
Ka pasur shumë thashetheme gjatë viteve në vazhdim për atë se çfarë e kishte shtyrë francezin ta godasë në atë mënyrë italianin.
Shumë është thënë se Materazzi e kishte ofenduar nënën e Zidanit, por ish-mbrojtësi i Interit ka zbuluar se çfarë i kishte thënë francezit dhe se nuk e kishte ofenduar nënën e tij.
“Vendosa të publikoja një libër për këtë sepse të gjithë më pyesnin se çfarë i kisha thënë Zidanit për ta bërë të reagojë ashtu”, tha Materazzi.
“Fjalët e mia ishin budallaqe por nuk e merituan atë reagim. Në çdo lagje në Romë, Napoli, Torino, Milano dhe Paris dëgjoj gjëra shumë më serioze. Unë fola për motrën jo nënën e tij, siç kanë shkruar disa gazeta. Nëna ime vdiq sa isha adoleshent, nuk do ta ofendoja nënën e tij asnjëherë”, shpjegoi ai.
13 years ago today.
World Cup final.
Zidane on Materazzi.— B/R Football (@brfootball) July 9, 2019
ON THIS DAY: In 2006, Italy won their fourth World Cup, beating France on penalties.
It was the last ever professional game for Zinedine Zidane. pic.twitter.com/FxthXneglm
— Squawka (@Squawka) July 9, 2019