EDI RAMA

104 raste me covid-19, Rama : Do të jetë javë zjarri! E kemi në dorë të mos humbasim njerëz (VIDEO)

Kryeministri Edi Rama i është drejtuar sërish me thirrje qytetarëve që të mos dalin nga banesat e tyre, pasi java që sapo ka nisur do të jetë ‘java e zjarrit’ dhe se do të ketë shumë të prekur nga koronavirusi.

Kësaj here Rama e ka përcjellë mesazhin e tij video nga zyra e kryeministrisë, nga ku ka njoftuar se do të ketë humbje në jetë, porse e kemi ne të gjithë në dorë që të mos kemi viktima në numra të lartë, duke zbatuar rregullat.

Rama: Nuk duhet të humbasim një mal me njerëz. Duhet durim, durim. Kur bëni pazar mos rrini grumbull, por rrini 1 metër të paktën larg me kurriz. Pse është kaq e vështirë. Ç’lidhje kanë oraret me qëndrimin në radhë. Ç’lidhje kanë oraret me ecjen dyshe apo treshe. Këto janë shërbime që I bëhen armikut. Pikërisht në grumbullimet dhe gjen shesh dhe bën përsheshin e hidhur.

Shiheni ç’ndodh në botë, me kapacitete shumë më të mëdha po mendojnë për kapacitete sipërfaqe të varreve pasi nuk përballin dot agresionin progresiv dhe marrjen e frymës vetëm me spitale. Ne u futëm shpejt në llogore, dhe është turp të humbasim këtë avantazh për mustaqet e Çelos. Kush e ka menduar që kjo luftë do mbarojë pa humbje jetësh e ka gabim. Ç’do gjë që do të bëjmë ne , kam përsëritur pa pushim, çdo gjë që bëjmë ne për mirë apo për keq duke u disiplinuar e ngadalësojmë humbjet e jetëve. Të dalim nga kjo luftë të fituara dhe mos numërojmë mijë , e mijëra jetë të humbura dhe të gjejmë varre 10 tre kilometra larg.

Lani duart, mbani në distancë të moshuarit dhe ti përqafoni kur të mbarojë, dhe jo t’i qani apo edhe të mos i varrosni siç duhet.

Forca e zakoneve është e tmerrshme, nuk është e pathyeshme. Nuk duhet të mundojmë trurin sa do zgjasë kjo luftë, por ditët t’I marrim një nga një. Kjo luftë fillon kur hapim sytë dhe përfundon kur mbyllim luftë. Të pabindurit do pakësohen, duke parë edhe buletinin e luftëarëve ku numri do të shtohet. Por s’mund të merret përpjetë dhe vdekjet të rriten për shkak të tjerëve. As zoti nuk na ndihmon po nuk ndihmuam vetën. Ta zmbrapsim këtë mortje nga shtëpia jonë. Disa humbje nuk I kemi në dorë por shmangjen e katastrogës e kemi ne dhe vetëm ne.