Nga sot ora policore në Maqedoninë e Veriut
Kryeministri teknik i Maqedonisë së Veriut, Oliver Spasovski ka njoftuar masat e reja mbrojtëse kundër virusit korona.
Sapsovski njoftoi se duke filluar nga sot do të zbatohet orë policore, respektivisht do të ndalohet lëvizja e qytetarëve nga orë 21:00 deri në orën 06:00 të mëngjesit.
“Masë që për herë të parë vendoset ora policore në historinë e Maqedonisë. Prej nesër, në Maqedoninë e Veriut do të ketë orë policore nga ora 21:00 deri në ora 06:00 çdo ditë, me këtë do të kufizohet lëvizja e popullatës. Njoftoj se tashmë asgjë nuk është e njëjtë. Gjithçka ka ndryshuar në jetën tonë si te ne edhe në vende tjera”, njoftoi kryeministri Oliver Spasovski.
Spasovski njoftoi edhe për rastet kur do të lejohet qarkullimi i qytetarëve gjatë orës së policisë.
“Nga kjo ndalesë do të lirohen njerëzit e sëmurë, përfshi këtu njerëzit në dializë, nga ku do t ë mund të shoqërohen më së shumti nga dy persona”, theksoi Spasovski, duke shtuar se edhe pjesëtarët e armatës, zjarrfikësit ata të policisë dhe higjienës komunale do të jenë të lirë për qarkullim .
Në fjalimin e kreut të ekzekutivit u njoftua se gjatë orës policore do të punojnë vetëm një numër i caktuar i barnatoreve dhe taksistëve dhe se ditëve në vijim ndalohet mbledhja e më shumë se 5 personave gjatë 24 orëve.
