Haxhiu përshëndet vendimin e Gjykatës Themelores për procesin e noterisë
Gjykata Themelore në Prishtinë, ka refuzuar kërkesën për masë të sigurisë të procesit të noterisë.
E ky vendim i ka pëlqyer ministres në detyrë të Drejtësisë, Albulena Haxhiut, e cila ka thënë se ky proces është përcjellë me shumë shkelje dhe për këtë arsye është anuluar.
Ajo ka akuzuar ish-ministrin Abelard Tahirin për të cilin ka thënë se po i nxit kandidatët për ta kontestuar anulimin e konkursit.
Ky është reagimi i saj i plotë:
Në ditët e para si Ministre, procesin e noterisë i cili ishte përcjellur me shumë shkelje, e kam anuluar.
Pas kësaj, vendimi i njëjtë ishte kontestuar në Gjykatën Themelore nga disa kandidatë. Shumë prej tyre ishin të nxitur nga ish Ministri i Drejtësisë.
Sot, kuptova që Gjykata, departamenti administrativ, ka refuzuar një kërkesë për masë të sigurisë, gjë që e vlerësoj.
Anulimi i këtij procesi nuk ishte hakmarrje ndaj askujt por veprim i duhur për kthim të ligjshmërisë, transparencës e barazisë.
Procese të tilla të komprometuara nuk duhet të legjitimuar.
