Ndeshja në mes të Atalantas dhe Comos do të zhvillohet të martën nga ora 20:45. Vendimi është marrë nga arbitri kryesorë së bashku me dy kapitenët e skuadrave.

Është vlerësuar se nuk ka kushte të përshtatshme për t’u zhvilluar ndeshja e javës së pestë të Serie A italiane.

Kjo ndeshje është dashur të nis në ora 20:45. Por fillimisht u shty për një orë, ndërsa pas inspektimit të fundit, të tretit me radhë, u vlerësua se nuk ka kushte për t’u zhvilluar ndeshja.

Në Bergamo ka pasur të reshura të mëdha të shiut të hënën pasdite. Kjo e pamundësoi zhvillimin e ndeshjes Atalanta – Como.