Edhe zyrtarisht Rade Krunic është lojtar i Milanit. Ai është blerë për 8 milionë euro nga Empoli.

Milani ka njoftuar për transferimin e mesfushorit të Bosnjës dhe Hercegovinës, Rade Krunic nga Empoli.

Lojtari ka arritur në Milano që një kohë të gjatë, por vetëm gjatë ditës së hëne u kompletua dokumentacioni ku tashmë ka ardhur edhe zyrtarizmi.

Raportohet se 25-vjeçari është blerë nga Empoli për 8 milionë euro plus bonuse.

Sezonin e kaluar, ai shënoi 5 gola dhe dhuroi 6 asiste në 33 paraqitje në Serie A.

Raportohet se Milani është afër transferimit të një tjetër mesfushori të Empolit, Ismael Bennacer, i cili aktualisht është pjesë e Algjerisë në Kupën e Afrikës.