Zyrtare: Lazaro, lojtar i ri i Interit
Interi ka zyrtarizuar transferimin e anësorit austriak, Valentino Lazaro, i cili ka nënshkruar kontratë katërvjeçare.
Lazaro ka kompletuar sot (e hënë) gjatë ditës transferimin e tij nga Hertha e Berlinit te Interi.
Pas zyrtarizimit të Diego Godinit, është vet klubi italian që ka konfirmuar edhe kompletimin e transferimit të anësorit të gjithanshëm të krahut të djathtë.
“Valentino Lazaro tani zyrtarisht është një lojtar i Interit”.
“Austriaku bashkohet me Nerazzurët nga Hertha Berlin, duke nënshkruar një kontratë deri më 30 qershor 2023”, thuhet në njoftimin e klubit italian.
Detajet e transferimit nuk janë bërë të ditura, por thuhet se 23-vjeçari i ka kushtuar Interit rreth 22 milionë euro.
