Xhelal Sveçla

“Zotohemi se lufta dhe përpjekja e tij nuk do të ndalet”: Sveçla nderon policin e rënë Afrim Bunjaku

Ministri i Brendshëm i Kosovës, Xhelal Sveçla, e ka nderuar rreshterin policor i cili humbi jetën mbrëmë nga sulmet e formacionit të armatosur rëndë në Banjskë të Zveçanit, Afrim Bunjaku.

Sveçla tha se shteti kosovar zotohet “që lufta dhe përpjekja e Afrimit dhe gjithë pjesëtarëve të Policisë së Kosovës për rend, ligj dhe siguri në veri të vendit nuk do të ndalet”.

Postimi i plotë:

Rreshter Afrim Bunjaku ra sot në krye të detyrës, në mbrojtje të sovranitetit dhe integritetit territorial të Republikës. Ne zotohemi, që lufta dhe përpjekja e Afrimit dhe gjithë pjesëtarëve të Policisë së Kosovës për rend, ligj dhe siguri në veri të vendit nuk do të ndalet.

Lavdi Heroit Afrim Bunjaku!