Zoran Zaev thërret mbledhje të jashtëzakonshme në Qeveri

Kryeministri i Maqedonisë së Veriut, Zoran Zaev, nuk ka dhënë dorëheqje pas dështimit për marrjen e datës për hapjen e negociatave me BE-në.

Siç shkruan Alsat.m, Kryeministri maqedon Zoran Zaev ka thirrur mbledhje të jashtëzakonshme në Qeveri dhe ka mbledhur gjithë formacionin e tij qeveritar, për të diskutuar se çfarë hapash do të ndërmarrin tani pas dështimit për marrjen e datës.

Paraprakisht ai ka deklaruar se Maqedonia e Veriut i ka kryer të gjitha obligimet dhe detyrat që BE-ja e ka kushtëzuar RMV për t’i dhënë datë për hapjen e bisedimeve.

Ai madje ka thënë se kjo do të ishte një demotivim për shtetet tjera ballkanike, duke përmendur marrëveshjen mes Kosovës dhe Serbisë, duke shtuar se Maqedonia sakrifikoi edhe emrin e saj, me të vetmin qëllim, që të bëhet pjesë e NATO-s dhe BE-së.

loading…