Real Madrid shpreson të regjistrojë fitoren e dytë radhazi ndaj Galatasaray në Ligën e Kampionëve këtë javë, por edhe një herë fokusi para ndeshjes është te Gareth Bale.

Zinedine Zidane e ka bërë të qartë se shpreson që uellsiani të qëndrojë në klub për pjesën e mbetur të sezonit.

“Unë dua që Gareth të qëndrojë këtu deri në fund të sezonit”, shpjegoi Zidane në konferencën e tij për shtyp.

“Njerëzit vazhdojnë të thonë që unë dua që ai të largohet në janar, është e pakuptimtë”.

“Tifozët tanë duhet të mendojnë pozitivisht, pasi lojtari dëshiron të jetë me ne”.

“Ai është rikthyer këtu dhe dëshiron të rikuperohet, por ai ende nuk është shëruar akoma”, zbuloi francezi.

loading…