Në një restaurant ata po zhvillojnë darkë pune. Në një postim të tij, Ramush Haradinaj ka thënë se po diskutojnë për aktualitetin politik në vend e për të ardhmen e AAK-së.
Kryeministri në detyrë, Ramush Haradinaj mbrëmjen e së premtes është pritur në një darkë pune në Gjakovë.
Nikoqir i kësaj mbledhie ishte Ardian Gjini, kryetar i Gjakovës nga Aleanca për Ardhmërinë e Kosovës.
“Darkë pune në Gjakovë me ministra, kryetarë komunash, deputetë, ish-kryetarë e bashkëpunëtorë, të shtruar nga kryetari Ardian Gjini. Kënaqësi të diskutojmë me njerëz të përkushtuar rreth aktualitetit politik, çështjeve që na preokupojnë dhe punëve që na presin si Aleancë për Ardhmërinë e Kosovës!”, ka shkruar Haradinaj në Facebook.
AAK aktualisht është pa kryetar, pasi Haradinaj ka dhënë dorëheqje ditë më parë.
Siç është shpjeguar nga anëtarët e partisë, ai këtë veprim e ka bërë për shkak të procedurave të zgjedhjeve të brendshme.







