RMV
Zgjedhja e Talat Xhaferit kryeministër i Maqedonisë së Veriut – nesër bëhet pranim-dorëzimi i detyrës
Për herë të parë në histori, në zyrën e kryeministrit të Maqedonisë së Veriut do të ndodhë një ngjarje e rëndësishme. Talat Xhaferi, shqiptar i parë, do të marrë detyrën e kryeministrit në ceremoninë e pranim-dorëzimit të detyrës së tij, duke zëvendësuar Dimitar Kovaçevskin.
Talat Xhaferi do të udhëheq qeverinë teknike deri në organizimin e zgjedhjeve të jashtëzakonshme në Maqedoninë e Veriut, të cilat janë planifikuar të mbahen më 8 maj.
Më shumë kontekst:
Talat Xhaferi edhe zyrtarisht është zgjedhur kryeministër i Maqedonisë së Veriut.
Zgjedhja e tij është bërë në seancën e sotme të Kuvendit të Maqedonisë, ku u votua për një qeveri teknike.
Xhaferi mori votat e 65 deptuetëve, abstenim ishin 0 vota, kundër 3 deputetë.
Zgjedhjen e tij e kundërshtuan nga VMRO-DPMNE, dhe opozita shqiptare.
Deputetë të opozitës në parlament, që nuk e votuan Talat Xhaferin për kryeministër janë:
Fadil Zendeli, Izet Mexhiti, Merita Koxhaxhiku, Kastriot Rexhepi, Afrim Gashi dhe Safije Sadiku Shahini.
Deri te zgjedhja erdhi pas një marrëveshje qysh kohë më parë ndërmjet BDI-së dhe LSDM-së.