Ministri i Shëndetësisë, Armend Zemaj ka thënë se kemi rënie të trendit të të infektuarve me koronavirus.

Zemaj me anë të një postimi në Facebook, ka thënë se jemi më mirë se shumë vende të tjera në rajon, madje edhe më mirë se vendet me sistem më të avancuar shëndetësor, e kjo na bën edhe më të përkushtuar e të vendosur që ta ngrisim performancën e shëndetësisë tonë.

“Do të jem unë me tërë ekipin tim në shërbimin tuaj në pajtim me mandatin ligjor, duke ju siguruar dhe do të bëjë gjithçka që ta ulim numrin e të prekurve me COVID-19, të infektuarve t’ju qëndrojmë afër si dhe të gjithë së bashku të kujdesemi për shëndetin e të gjithëve”, ka shkruar Zemaj.