Presidenti ukrainas Volodymyr Zelensky u takua me Zëvendëspresidentin e SHBA’së JD Vance në Vatikan për herë të parë që nga debati i tyre në Shtëpinë e Bardhë.

Shumë liderë botërorë u mblodhën në Vatikan me rastin e kurorëzimit të Papës dhe në ceremoni ndodhi një moment simbolik: Presidenti ukrainas Volodymyr Zelensky shtrëngoi duart me Sekretarin e Shtetit Marco Rubio dhe Zëvendëspresidentin e SHBA JD Vance, transmeton Ballkani.info.

Këtë të fundit e ka takuar për herë të parë pas debatit në Shtëpinë e Bardhë.

Më vonë ata u takuan edhe në një takim

Pak më vonë, në një takim u takuan edhe Zelenski dhe Vance. Zelenski postoi fotografi në Facebook dhe shkroi se ishte një “takim i mirë”.

“Takim i mirë me Zëvendës Presidentin JD Vance dhe Sekretarin e Shtetit Marco Rubio në Romë. Gjatë bisedës diskutuam për negociatat në Stamboll, ku rusët dërguan një delegacion të rangut të ulët pa autoritet vendimmarrës. Unë përsërita se Ukraina është e gatshme për diplomaci të vërtetë dhe theksova rëndësinë e një armëpushimi të plotë dhe të pakushtëzuar sa më shpejt të jetë e mundur. Ne prekëm gjithashtu nevojën për sanksione kundër Rusisë, tregtinë dypalëshe, bashkëpunimin në mbrojtje, situatën në fushën e betejës dhe shkëmbimin e ardhshëm të të burgosurve. Nevojitet presion mbi Rusinë derisa të tregojë gatishmëri për të ndalur luftën. Dhe sigurisht, ne diskutuam hapat e përbashkët për të arritur një paqe të drejtë dhe të qëndrueshme. Falënderoj popullin amerikan për mbështetjen dhe udhëheqjen e tij në shpëtimin e jetëve”, ka shkruar Zelensky. /Ballkani.info/