Werderi i Rashicës eliminohet nga Kupa e Gjermanisë
Ylli i Kosovës, Milot Rashica me Werder Bremenin është eliminuar në çerekfinale të Kupës së Gjermanisë.
Werderi sonte ka pësuar 2:0 nga Eintracht Frankfurti. Andre Silva (45’ nga penalltia) dhe Daichi Kamada (60’) realizuan për Frankfurtin.
Rashica luajti tërë ndeshjen për Werderin. Ai në kupë këtë stinor ka shënuar tre gola e asistuar një tjetër.
Në gjysmëfinale të Kupës së Gjermanisë të mërkurën u kualifikua edhe Bayer Leverkuseni. Leverkuseni fitoi 3:1 ndaj Union Berlinit.
