Vuçiqi në Ohër, me përcjellje policore nga toka e ajri

Presidenti i Serbisë, Aleksandar Vuçiq, në Ohër ka mbërritur në orët e paradites së sotme.

Eskorta e tij, sipas pamjeve të Klan Kosovës, përbëhej nga më shumë forca policore sesa të gjitha delegacionet tjera pjesëmarrëse.

Forca policore janë parë si në tokë, ashtu edhe në ajër.

“Rreth gjysmë ore para se Vuçiqi të vinte në Vilën ‘Biljana’ në Ohër, ai është përcjellë vazhdimisht nga ajri nga policia maqedonase, për shkak ndër të tjera, edhe për formën të cilën e ka përzgjedhur që të vijë në Ohër. Për dallim nga të gjitha delegacionet tjera nga rajoni, ai ka përzgjedhur të vijë mëngjesin e sotëm përmes aeroportit të vogël por aktiv të Shën Palit në Ohër”, njoftoi Klan Kosova.