Vuçiq shfrytëzon amullinë e Qeverisë Kurti, i ‘laritet’ SHBA-ve: Serbisë i nevojitet Amerika
Vizita në Amerikë e presidentit serb, Aleksandar Vuçiq, përfundoi me një takim të nivelit të lartë me sekretarin amerikan të shtetit, Mike Pompeo.
Pas takimit me njeriun e dytë të Shtëpisë së Bardhë, Vuçiq ka thënë se Serbisë i nevojitet Amerika.
Vuçiq doli para gazetarëve me ambasadorin amerikan në Beograd Anthony Godfrey, ku edhe e vlerësoi lartë punën e këtij të fundit.
Sidoqoftë, kjo vizitë e Vuçiq vije pas vizitës që pati kreu i shtetit të Kosovës, Hashim Thaçi, në Shtëpinë e Bardhë.
Sipas njohësve të politikës së jashtme, këto takime po janë tregues se Amerika e ka rritur intensitetin e shtytjes së dy vendeve për të arritur një marrëveshje pëfundimtare.
Ndryshe, siç ka thënë edhe emisari special për dialogun, Richard Grenell, ulja në tryezë e Kosovës dhe Serbisë është bllokuar nga vendosja e taksës.