Vritet me armë zjarri 45-vjeçari në Peqin, trupi i pajetë gjendet afër lumit Shkumbin
Një person është gjetur i vrarë me armë zjarri në lagjen Çezmë në Peqin, në afërsi të lumit Shkumbin.
Policia bën me dije se është gjetur i pajetë një shtetas rreth 45-vjeç, ende i paidentifikuar.
Nisur nga vendi ku është gjetur trupi i pajetë ka dyshime se viktima mund të jetë vrarë diku tjetër dhe më pas është zhvendosur në afërsi të lumit Shkumbin, zonë e pamonitoruar nga kamerat dhe ndriçimi.
Sipas këqyrjes paraprake, hetuesit kanë dyshime se viktima mund të jetë zhvendosur nga autori/autorët mbrëmjen e djeshme.
Në vendngjarje kanë shkuar shërbimet e Policisë, të cilat vijojnë krehjen e zonës. /Euronews.al/
